TAARIFA YA JESHI LA POLISI MKOA WA MBEYA KWA VYOMBO VYA HABARI “PRESS RELEASE” TAREHE 24.09.2014.

KATIKA TUKIO LA KWANZA:

MTU MMOJA ALIYEFAHAMIKA KWA JINA LA HAMISI SIMON (35) MKAZI WA MSANGA ALIKUTWA AKIWA AMEUAWA KWA KUNYONGWA SHINGO NA MTU/WATU WASIOFAHAMIKA NA KISHA MWILI WAKE KUTUPWA KANDO YA MTO MSANGA.

MWILI WA MAREHEMU ULIKUTWA KANDO YA MTO HUO MNAMO TAREHE 22.09.2014 MAJIRA YA SAA 08:00 ASUBUHI HUKO KATIKA KIJIJI CHA MSANGA, KATA YA LUHANGA, TARAFA YA ILONGO, WILAYA YA MBARALI, MKOA WA MBEYA.

CHANZO CHA MAUAJI HAYO NI WIVU WA KIMAPENZI KWANI INADAIWA KUWA MKE WA MAREHEMU ALIKUWA NA UHUSIANO WA KIMAPENZI NA MWANAUME MWINGINE. MKE WA MAREHEMU AITWAYE STELINA PETRO NA MTOTO WAKE AITWAYE MAGODA HAMISI WAMEKAMATWA KWA MAHOJIANO ZAIDI KUHUSIANA NA TUKIO HILO.

MWILI WA MAREHEMU UMEFANYIWA UCHUNGUZI WA KITABIBU NA KUKABIDHIWA NDUGU KWA MAZISHI.

KATIKA TUKIO LA PILI:

MWANAMKE MMOJA ALIYEFAHAMIKA KWA JINA LA NKUSUBILA KAMINYONGE (70) MKAZI WA MTAA WA KATI SOWETO ALIUAWA KWA KUPIGWA RISASI AINA YA SMG MAENEO YA MKONO WAKE WA KUSHOTO CHINI YA BEGA NA KUPELEKEA KIFO CHAKE.

TUKIO HILO LIMETOKEA USIKU WA KUAMKIA LEO MAJIRA YA SAA 03:00 HUKO MAENEO YA SOWETO, MTAA WA KATI, KATA YA RUANDA, TARAFA YA SISIMBA, JIJI NA MKOA WA MBEYA. INADAIWA KUWA, WATU HAO WALIVUNJA GETI LA NYUMBA NA KISHA KUINGIA NDANI NA KUVUNJA MLANGO WA CHUMBA ALICHOKUWA AMELALA MAREHEMU NA KISHA KUMPIGA RISASI.

WAKATI WATU HAO WANAVAMIA NYUMBA HIYO, MAREHEMU ALIKUWA AMELALA NA MUME WAKE AITWAYE OSIA MALAMBUGI (72) MKAZI WA MTAA WA KATI SOWETO AMBAYE ALISHTUKA BAADA YA KUSIKIA MLIO MKUBWA WA RISASI NA KUKUTA MKE WAKE AMEPIGWA RISASI NA WATU HAO AMBAO WALIKIMBIA MARA BAADA YA TUKIO HILO. HAKUNA KITU CHOCHOTE KILICHOCHUKULIWA/KUPORWA. CHANZO CHA MAUAJI HAYO BADO KUFAHAMIKA, UPELELEZI UNAENDELEA. MWILI WA MAREHEMU UMEHIFADHIWA KATIKA HOSPITALI YA RUFAA MBEYA. MSAKO UNAENDELEA KUWATAFUTA WALIOHUSIKA KATIKA TUKIO HILI.

KAMANDA WA POLISI MKOA WA MBEYA KAMISHINA MSAIDIZI MWANDAMIZI WA POLISI AHMED Z. MSANGI ANATOA WITO KWA YEYOTE MWENYE TAARIFA ZA WATU HAO WALIOHUSIKA KATIKA TUKIO HILO AZITOE KATIKA MAMLAKA HUSIKA ILI HATUA ZA KISHERIA ZICHUKULIWE DHIDI YAO.

    

     TAARIFA ZA MISAKO:

    

            JESHI LA POLISI MKOA WA MBEYA LIMEKAMATA POMBE KALI ZA AINA MBALIMBALI ZILIZOPIGWA MARUFUKU NA SERIKALI. POMBE HIZO NI PAMOJA NA BWANA JIN KATONI 05, CHARGER KATONI 03, DOUBLE PUNCH KATONI 02 NA BOSS KATONI 03.

POMBE HIZO ZILIKAMATWA KATIKA MSAKO ULIOFANYIKA MNAMO TAREHE 23.09.2014 MAJIRA YA SAA 17:00 JIONI HUKO MAENEO YA BWATO, KATA YA IPINDA, TARAFA YA NTEMBELA, WILAYA YA KYELA, MKOA WA MBEYA. MTUHUMIWA ALIKIMBIA MARA BAADA YA KUWAONA ASKARI NA KUTELEKEZA POMBE HIZO, JITIHADA ZA KUMTAFUTA ZINAENDELEA.

Imesainiwa na:

 [AHMED Z. MSANGI – SACP]

KAMANDA WA POLISI MKOA WA MBEYA.