SHIRIKISHO la vyama huru vya wafanyakazi nchini (TUCTA) limesema linaandaa utaratibu wa kuwaweza wafanyakazi kukutana na kubadilishana uzoefu kupitia makongamano yatakayokuwa yanafanyika katika kanda mbalimbali

 Mwenyekiti wa TUCTA taifa Omary Ayoub Juma akizungumza jambo wakati wa kufunga mafunzo

Mwenyekiti wa TUCTA taifa Omary Ayub Juma ameyasema hayo jijini Mbeya wakati akifunga mafunzo ya siku tano ya wafanyakazi kutoka mikoa mbalimbali ya Tanzania bara yaliyokuwa yakiendeshwa katika chuo cha wafanyakazi kilichopo jijini hapo.

Juma amesema kupitia makongamano hayo licha ya wafanyakazi kujadili namna ya kukabililiana na changamoto mahala paa kazi pia wataweza kujikumbusha wajibu wao hasa kwa kujifunza zaidi juu ya sheria za kazi.

Aidha mwenyekiti huyo pia amesema TUCTA inaangalia uwezekano wa kukiboresha chuo cha wafanyakazi Mbeya kutokana na madhari yake kutoendana na hadhi yake.

Washiriki wa mafunzo wakiwa katika picha ya pamoja

Ameyasema hayo kufuatia wahitimu wa mafunzo hayo kupitia risala iliyosomwa na mwenzao Sima Kazaula kuelezea kutoridhishwa na hali ya majengo ya chuo wakisema yamechakaa na yanahitaji maaboresho makubwa.